وزیراعظم نوازشریف ملک کے ساتھ مخلص ہیں،عمران خان ٹی ٹوئنٹی نہ کھیلیں، تھوڑا صبر سے کام لیں،شاہد آفریدی


وزیراعظم نوازشریف ملک کے ساتھ مخلص ہیں،عمران خان ٹی ٹوئنٹی نہ کھیلیں، تھوڑا صبر سے کام لیں،شاہد آفریدی
اُردو آفیشل۔ قومی کرکٹ ٹیم کے سٹار آل راﺅنڈر شاہد آفریدی نے کہا ہے کہ وزیر اعظم نواز شریف ملک کے ساتھ مخلص ہیں ،عمران خان کو ٹی ٹوئنٹی کھیلنے کا شوق ہے ،وہ تھوڑا صبر کے ساتھ کام لیں تو جو منزل چا ہ رہے ہیں وہ بھی مل جائے گی۔
پاناما ہنگامہ کے دور میں نجی نیوز چینل جیونیوز کی اسپیشل ڈاکیومنٹری میں اپنے خیا لات کا اظہار کرتے ہوئے شاہد آفریدی نے کہا کہ نواز شریف کارو باری آدمی ہیں اور کاروبار کرنا جانتے ہیں ،وہ ملک کے ساتھ مخلص بھی ہیں ۔ان کا کہنا تھا کہ عمران خان کو ٹی ٹوئنٹی کھیلنے کا شوق ہے ،انہیں تھوڑا صبر کرتے ہوئے وقت لینا چاہیے ،عمران خان جو منزل چاہ رہے ہیں انہیں وہ بھی مل جائے گی ۔شاہد آفریدی نے کہا کہ عمران خان کو جس صوبے میں مینڈیٹ ملا ہے اس میں کام تو بہتر کر رہے ہیں لیکن مزید بہتری کے لیے کام کریں اور عوام کے دلوں میں گھر کریں تاکہ لوگ کہہ سکیں کہ یہ شخص بھی محب وطن ہے ،اس کو وزیر اعظم بننا چاہیے ۔پیپلز پارٹی کے بارے میں اپنے خیالات کا اظہار کرتے ہوئے سٹار آل راﺅنڈر نے کہا کہ پیپلز پارٹی بے نظر بھٹو کی وفات کے ساتھ ہی ختم ہو گئی تھی ،بے نظیر کا پاکستان سے لگاﺅ اپنے طرز کا تھا ،کوئی بھی ان پر شک نہیں کر سکتا تھا ۔