نیت کا بدلہ مل گیا


میں بہت ہی زیادہ غریب آدمی تھا ایک مرتبہ میں نے طواف کرتے ہوے ایک ہار دیکھا جو بڑا قیمتی تھا۔ میں نے وہ ہار اٹھایا میرا نفس کہہ رہا تھا کہ اسکو چھپا لوں۔ لیکن دل نے کہا ہرگز نہیں یہ تو چوری ہے دیانتداری کا تقاضا یہ ہے کہ اس ہار کو اس کے مالک تک پہنچایا جائے۔ چنانچہ مطاف میں کھڑے ہوکر میں نے اعلان کردیا کہ اگر کسی کا ہار کھوگیا ہے تو آکر مجھ سے لے جائے۔ایک نابینا آدمی آگے آیا اور کہا کہ یہ میرا ہار ہے اور یہ میرے تھیلے سے گرا ہے۔

میرے نفس نے مجھے اور ملامت کردیا کہ ہار تو تھا بھی کسی نابینا کا۔ اسکا کسی کو کیا پتہ چلنا تھا چھپا لیتے مگر میں نے ہار اس بزرگ نابینا کو دیا وہ دعائیں دیتا ہوا واپس چلا گیا۔ میں اللہ سے روز روزی کی دعا کیا کرتا تھا کہ اللہ میرے لیے روزی کا انتظام کردے اللہ کی شان دیکھیں کہ میں مکہ سے ’’ ہلا‘‘ آگیا یہ ایک شہر کا نام ہے۔ وہاں ایک مسجد میں گیا تو پتہ چلا کہ وہاں کے امام صاحب فوت ہوگئے ہیں ، لوگوں نے مجھے کہا کہ آپ آگے ہوکر نماز پڑھا دیں میں نے جب نماز پڑھائی تو لوگوں کو میری نماز اچھی لگی وہ مجھے کہنے لگے تم یہاں امام کیوں نہیں بن جاتے۔ میں نے کہا چلیں ٹھیک ہے۔ میں نے وہاں امامت کے فرائض ادا کرنے شروع کئے۔ تھوڑے دنوں بعد پتہ چلا کہ وفات شدہ امام صاحب کی ایک جوان سال بیٹی بھی تھی امام صاحب وصیت کرگئے تھے کہ اسکی شادی کسی نیک اور اللہ والے بندے سے کرانی ہے۔ مقتدی لوگوں نے کہا اگر آپ چاہیں ہم آپکا نکاح اس سے کرادیں گے۔ میں نے کہا جیسے آپ لوگوں کی مرضی چنانچہ ہم دونوں کی شادی ہوگئی۔ شادی کے کچھ ماہ بعد میں نے ایک دن بیوی کے گلے میں وہی ہار دیکھا جو میں نے طواف میں اس بوڑھے کو واپس کردیا تھا۔ میں نے اس سے حیرانی سے پوچھا یہ ہار کس کا ہے اور تیرے پاس کیسے آیا؟ یہ ہار میرے ابو نے مجھے دیا تھا ،تب مجھے علم ہوا کہ امام صاحب وہی تھے جس کو میں نے طواف میں ہار لوٹایا تھا۔ میں نے بیوی سے کہا کہ یہ ہار ان سے گر گیا تھا اور میں نے ہی لوٹایا تھا میری بیوی یہ سن کر خوشی سے اچھل پڑی اور کہا آپ دونوں کی دعائیں قبول ہوئی ہیں میں نے کہا وہ کیسے ؟اس نے کہا آپکی دعا تو اس طرح قبول ہوئی کہ اللہ نے آپ کو گھر دیا گھر والی دی رزق دیا۔ اور میرے ابو کی دعا اس طرح قبول ہوئی کہ جب وہ واپس آئے تو میرے لیے دعا کی کہ یا اللہ جس امین انسان نے میرا ہار لوٹا کر مجھے دیا اس طرح کے نوجوان کا رشتہ میری بیٹی کے لیے بھیج دے۔ یوں اللہ ذوالجلال والاکرام نے آپ دونوں کی دعا قبول کی۔مخلص انسان کا کام اللہ ذوالجلال والاکرام کبھی رکنے نہیں دیتا ،اٹکنے نہیں دیتا ،اللہ تعالیٰ ایسے لوگوں کی کشتی ہمیشہ کنارے لگا لیتا ہے اللہ تعالیٰ ہم کو ایسی نیت عطا کرے۔

دلچسپ عنوان
  جیسے ہی ماموں جاتے تھے تو میں ممانی جان کے پاس چلا جاتا اور کمرے میں بند ہوکریہ کام کرتا! نوجوان نے راز فاش کر دیا۔