نوجوت سنگھ سدھو روایتی بھارتی ہٹ دھرمی کا شکار

پاکستان تحریک انصاف کی طرف سےعمران خان کے بطور وزیر اعظم حلف اٹھانے کی تقریب میں دنیا بھر سے مختلف لوگوں کو مدعو کیا گیا ہے ۔ جن میں بھارتی کرکٹر نوجوت سنگھ سدھو بھی ہے ۔ جن کو خصوصی دعوت دی گئی کہ وہ پاکستان میں آئے اور اس تقریب میں شرکت کریں ۔ دعوت نامہ ملنے کے بعد سدھو پاکستان ایمبیسی گئے اور ویزہ کے لئے اپلائی بھی انہوں نے کیا ۔ جہاں کچھ ہی دنوں میں ان کو ویزہ جاری کر دیا گیا ۔ جس کے بعد سدھو نے انڈین ایمبیسی سے اجازت طلب کی لیکن کئی ہفتے گزرنے کے بعد بھی ان کو اجازت نہیں ملی ۔ اور تاحال وہ انتظار کر رہے ہیں ۔ یعنی وہ خود ہی اپنے ملک کی ہٹ دھرمی کا شکار ہو چکے ہیں ۔ یاد رہے اس تقریب میں شرکت سے سنیل گواسکر انکار کر چکے ہیں ۔ اور عامر خان نے پہلے ہی یہاں آنے سے انکار کر ڈالا ہے۔ اب کہا جا رہا ہے کہ ممکن نہیں کہ پاکستان میں سدھو بھی آجائے ۔