پاکستان کو ڈکٹیٹروں نے ترقی دی ہے،سویلینز نے آ کر بیرہ غرق کر دیا،پرویز مشرف


پاکستان کو ڈکٹیٹروں نے ترقی دی ہے،سویلینز نے آ کر بیرہ غرق کر دیا،پرویز مشرف
سابق صدر اور آل پاکستان مسلم لیگ کے سربراہ پرویز مشرف نے کہا ہے فوج ملک کو پٹڑی پر لاتی ہے سویلین حکومت آکر پٹڑی سے اتار دیتی ہے ،ملک میں جب بھی مارشل لاءلگا یہ اس وقت کے حالات کا تقاضا تھا،ملک سے نکلنے میں مدد کے بارے میں پوچھے گئے ایک سوال کے جواب میں سابق صدر نے کہا کہ ’میں فوج کا سربراہ رہا ہوں اور مجھے یقین ہے کہ فوج ہمیشہ میری ویلفیئر کی طرف دیکھتی ہے۔‘

پاکستان کی آزادی کے 70 برس مکمل ہونے پردبئی سے بی بی سی کو دیئے گئے ایک انٹرویو میں سابق فوجی صدر جنرل پرویز مشرف نے کہا ہے کہ ’چاہے ڈیموکریسی ہو، یا ڈکٹیٹرشپ ہو، یا کمیونزم ہو یا سوشلزم ہو، یا بادشاہت ہو۔۔۔ عوام کو، یا ملک کو اس سے کوئی زیادہ فرق نہیں پڑتا۔ عوام اور ملک کو ترقی، عوام کی خوشحالی چاہیے۔ عوام کو روزگار، خوشحالی اور سکیورٹی چاہیے۔‘انھوں نے کہا کہ ایشیا کے سارے ممالک میں دیکھیں، جہاں بھی ترقی ہوئی ہے صرف ڈکٹیٹروں کی وجہ سے ہوئی ہے۔ پاکستان کو بھی ڈکٹیٹروں نے ٹھیک کیا، لیکن جب وہ گئے تو سویلینز نے بیڑہ غرق کر دیا،سویلین حکومتوں اور فوجی حکومتوں کے ریکارڈ دیکھ لیں۔ فوجی ڈکٹیٹرشپ میں ملک نے ہمیشہ ترقی کی۔ایک سوال کے جواب میں سابق صدر نے کہا کہ اگر الیکشن کرا دیے، لبرٹی دے دی لیکن خوشحالی نہیں دی تو اس کا کیا فائدہ؟پاکستان توڑنے میں فوج کا نہیں بھٹو کا قصور تھا۔ کچھ الزام یحیٰی خان پر بھی آتا ہے لیکن ایوب خان کے دس سال کی حکومت میں ملک نے ترقی کے ریکارڈ قائم کیے۔‘

تاہم جنرل مشرف نے تسلیم کیا کہ ضیا کا دور متنازع تھا۔ ’میں بھی تسلیم کروں گا کہ انھوں نے ملک کو مذہبی انتہاپسندی کی جانب دھکیلا۔ انھوں نے ایسی راہ چنی جس کا اثر ملک پر آج بھی ہے۔ لیکن جو انھوں نے (ضیاالحق نے) طالبان اور امریکہ کی مدد کی سویت یونین کے خلاف وہ بالکل ٹھیک کیا۔‘

انھوں نے کہا کہ افغان جنگ میں فوج نے پیسے نہیں بنائے لیکن کچھ ایسے لوگ ہو سکتے ہیں جو ہتھیار خرید رہے ہوں، افغانستان میں پیسے تقسیم کر رہے ہوں ان میں سے کچھ ملوث ہوسکتے ہیں جنھوں نے پیسے بنائے ہوں۔ لیکن فوج نے بطور ادارہ کوئی پیسے نہیں بنائے۔

ایک سوال کے جواب میں سابق جنرل مشرف نے کہا کہ ’حکومت کو ہٹانے کا اختیار عوام کو ہونا چاہیے، لیکن پاکستان میں حالات مختلف ہیں۔ عوام تب ہوتی ہے جب آئین کے اندر چیکس اینڈ بیلنسز ہوں۔ عوام خود بھاگ کر فوج کے پاس آتی ہے کہ ہماری جان چھڑوائیں۔ لوگ میرے پاس آکر کہتے تھے کہ ہماری جان چھڑوائیں۔۔ میں نے عوام کے مطالبے پر ٹیک اوور کیا تھا۔‘انھوں نے کہا کہ آئین مقدس ہے لیکن آئین سے زیادہ قوم مقدس ہے۔ ’ہم آئین کو بچاتے ہوئے قوم کو ختم نہیں کر سکتے لیکن قوم کو بچانے کے لئے آئین کو تھوڑا سا نظرانداز کیا جا سکتا ہے۔‘ان کے بقول ان کے خلاف آرٹیکل چھ کا مقدمہ درست نہیں۔ ’ملک جارہا ہے۔۔۔ اب میں سوچوں کہ آئین ہے، آرٹیکل چھ میں کیا لکھا ہوا ہے، یہ سوچوں یا ملک کو بچا لوں۔۔۔ مجھے لٹکا دو۔‘

جنرل پرویز مشرف نے سابق وزیر اعظم نواز شریف پر الزام لگایا کہ ان کی انڈیا پالیسی ٹوٹل سیل آؤٹ پالیسی تھی۔ ’انڈیا بلوچستان میں ملوث ہے اور جو کوئی پاکستان کو نہیں مانے گا، ملک کی بقا کے خلاف ہوگا اس کو مارنا چاہیے۔‘اُردو آفیشل۔

You cannot copy content of this page