سوشل میڈیا پر معروف ترین ماڈل نے ایسا کام کردیا کہ ہزاروں مردوں نے اچانک پیج فالو کرنا چھوڑ دیا، ایسا کیا کام ہوسکتا ہے؟ جواب کوئی سوچ بھی نہیں سکتا


شوبز سے تعلق رکھنے والی حسیناﺅں کو ان کے بیش تر مداح محض تفریح طبع کا سامان تصور کرنے لگتے ہیں اور جب ان کے بارے میں عام خواتین جیسی کوئی بات سامنے آتی ہے تو عموماً اس کا منفی ردعمل ہی دیکھنے کو ملتا ہے۔ کچھ ایسا ہی افسوسناک واقعہ آسٹریلوی حسینہ حینا پولائٹس کے ساتھ پیش آیا، جن کے سوشل میڈیا ویب سائٹ انسٹا گرام پر کچھ عرصہ قبل تک تو 15 لاکھ سے زائد فالورز تھے، مگر اب ان کی تعداد آدھی بھی نہیں رہی۔ آخر حینا ایسا کیا کر بیٹھی کہ مداحو ںکی اتنی بڑی تعداد ان سے روٹھ گئی؟
ویب سائٹ ڈیلی سٹار کے مطابق حینا کی زندگی میں واحد تبدیلی یہ آئی تھی کہ انہوں نے چند ماہ قبل ایک بچی کو جنم دیا ہے۔ یعنی ماں بننا ہی ان کا ایک ایسا جرم بن گیا کہ مداح، خصوصاً مرد، ان میں دلچسپی کھو بیٹھے ہیں۔چھبیس سالہ حینا نے اس صورتحال کے بارے میں بات کرتے ہوئے کہا، ”مجھے یہ دیکھ کر بے حد افسوس ہو رہا ہے کہ میرے بہت سے مداحوں نے مجھے ان فالو کر دیا ہے۔ ان میں زیادہ تعداد مردوں کی ہے۔ میرے پرستاروں میں زیادہ تعداد مردوں کی ہی تھی، لیکن شاید ان میں سے اکثر بچوں کو پسند نہیں کرتے۔ اس دوران کچھ خواتین میری جانب ضرور مائل ہوئی ہیں۔ کچھ ایسی لڑکیاں بھی ہیں جو میری عمر کی ہیں اور وہ میری اور میری بیٹی کو تصاویر کو ابھی بھی بہت پسند کرتی ہیں۔ وہ میرے اور میری بیٹی ایوالیہ کے بارے میں جاننا چاہتی ہیں۔میرے کچھ مرد فالورز کی جانب سے مجھے تنقید کا سامنا بھی رہنے لگا ہے۔ وہ کہتے ہیں کہ مجھے سوشل میڈیا پر توجہ دینے کی بجائے بیٹی پر توجہ دینی چاہئیے۔ میں ان مداحوں کو بتانا چاہتی ہوں کہ میں اب بھی سب سے زیادہ توجہ اپنی بیٹی کو ہی دیتی ہوں۔ جب میں انسٹا گرام پرتصاویر پوسٹ کرتی ہوں تو وہ میرے پاس ہی ہوتی ہے، اگرچہ وہ ہر تصویر میں نہیں ہوتی۔“