بالی ووڈ سپر سٹار عامر خان اور ان کی اہلیہ بارے افسوسناک خبر آگئی ۔۔ مداحوں سے دعائوں کی اپیل


بالی ووڈ کے مسٹر پرفیکشنٹ عامر خان اور ان کی اہلیہ کرن راؤ سوائن فلو میں مبتلا ہو گئے ہیں۔ اس خبر کی تصدیق عامر خان نے خود ایک ویڈیو بیان میں کی ہے۔ انڈین میڈیا رپورٹس کے مطابق دونوں شخصیات نے آج ایک فلاحی ادارے پانی فاؤنڈیشن کی تقریب میں شرکت کرنا تھی لیکن بیماری کی وجہ سے وہ اس میں شرکت نہ کر سکے۔ اس سے قبل سینئر جرنلسٹ انوپما چوپڑہ نے خبر دی تھی کہ عامر اور کرن سوائن فلو میں مبتلا ہو چکے ہیں۔ پانی فاؤنڈیشن کی تقریب سے ویڈیو لنک کے

ذریعے رابطہ کرتے ہوئے عامر خان نے خودان خبروں کی تصدیق کی۔ عامر خان نے بتایا کہ وہ اور ان کی اہلیہ سوائن فلو جیسی وائرل بیماری میں مبتلا ہو چکے ہیں۔ ان کا کہنا تھا کہ چونکہ اس بیماری کا وائرس بہت جلدی سے پھیلتا ہے، اس لیے ہم نے فیصلہ کیا کہ دوسرے لوگوں کی حفاظت کیلئے تقریب میں شرکت نہ کی جائے۔ عامر خان کا کہنا تھا کہ ٹیسٹوں کے ذریعے ہمارے خون میں سوائن فلو کی تصدیق ہو گئی ہے۔ میں نے اور کرن راؤ نے آئندہ ایک ہفتے تک گھر سے باہر نہ نکلنے کا فیصلہ کیا ہے تا کہ ہمارے وائرس سے کوئی متاثر نہ ہو جائے۔انہوں نے اپنے مداحوں سے دعا کی بھی اپیل کی ہے ۔

You cannot copy content of this page