کیا آپ کو معلوم ہے VLC میڈیا پلیئر کا لوگو ’ٹریفک کون‘ کی طرح کا کیوں ہوتا ہے؟ جواب ایسا کہ آپ کیلئے ہنسی روکنا مشکل ہوجائے گا


آپ نے اکثر دیکھا ہوگاکہ وی ایل سی میڈیا پلئیر کالوگو ٹریفک کون کی طرح ہوتا ہے لیکن ایسا کیوں ہے؟اس کے پیچھے ایک دلچسپ حقیقت پوشیدہ ہے۔آئیے آپ کو اس کے بارے میں بتاتے ہیں۔اس سافٹ وئیر کو بنانے کا سہرا ایکول سنٹرل پیرس (Ecole Centrale Paris)سکول کے طلباء کے سر جاتا ہے جنہوں نے 1996ء میں اس کو تخلیق کیا۔ تاہم دنیاکے دوسرے اداروں نے بھی اس پر کام کیا اور اسے موجودہ شکل دی۔اس کا لوگو ٹریفک کون کی طرح اس لئے ہوتا ہے کہ یہ طلباء ایک دن بہت زیادہ شراب نوشی کے بعد واپس آئے تو اپنے ساتھ بہت ساری ٹریفک کونیں بھی اٹھا لائے۔ اس کے بعد انہوں نے یہ عادت بنا لی اور کونیں جمع کرنے لگے۔کچھ عرصہ بعد جب اس سافٹ وئیر پر کام شروع ہوا تو ان سٹوڈنٹس نے فیصلہ کیا کہ وہ VLCکالوگوٹریفک کون رکھیں گے جو کہ آنے والے دنوں میں بہت مشہور ہوا۔