تحریک انصاف کی رکن سندھ اسمبلی دُعا بھٹو کی بہن کی سندھ اسمبلی میں ٹک ٹاک ویڈیو

جون 30, 2020


ٹک ٹاک ایک ایسی ایپلی کیشن ہے جس نے دنیا بھر کے نوجوانوں کو ناچنے پر مجبور کر دیا ہے اور پاکستان میں تو اس کا بخار کرونا وائرس جیسا ہے ٹک ٹاک کا جنون اب سندھ اسمبلی بھی پہنچ گیا ہے۔ تفصیلات کے مطابق پاکستان تحریک انصاف کی رکن سندھ اسمبلی دُعا بھٹو کی بہن کی سندھ اسمبلی میں ٹک ٹاک ویڈیو منظر عام پرآئی ہے جس کے بعد سوشل میڈیا صارفین کی جانب سے انہیں تنقید کا نشانہ بنایا جا رہا ہے۔ اقراء بھٹو نے ناصرف ٹک ٹاک بنائی بلکہ اسے اپلوڈ بھی کیا جو دیکھتے ہی دیکھتے سوشل میڈیا پر وائرل ہوگئی۔

تا ہم اس ویڈیو کے منظر عام پر آنے کے بعد دُعا بھٹو نے بھی ویڈیو پیغام میں معافی مانگ لی ہے۔ بات کرتے ہوئے رہنما تحریک انصاف کا کہنا تھا کہ بہن نے ویڈیو ہال میں نہیں لابی میں بنائی تھی، بہن کو سندھ اسمبلی کی کرسی پر بیٹھ کر ویڈیو نہیں بنانی چاہئے تھی، میں معذرت خواہ ہوں کہ انجانے میں میری بہن نےسندھ اسمبلی کی لابی میں موجود کرسی پر بیٹھ کر ویڈیو بنالی جبکہ میں اجلاس میں شریک تھی، تا ہم انہوں نے بتایا ہے کہ اقراء بھٹو نے اب وہ ویڈیو ڈیلیٹ بھی کر دی ہے۔تاہم اتنی دیر میں ویڈیو وائرل ہو گئی

جس کے بعد رہنما پاکستان پیپلز پارٹی شرمیلہ فاروقی نے بھی تنقید کرتے ہوئے ٹویٹر پوسٹ شیئر کر دی۔ ان کا کہنا تھا کہ یہ غیر ذمہ دارانہ رویہ ہے، دُعا بھٹو نے اپنی بہن کو اسمبلی حال میں بلا کر ویڈیو بنانے کی اجازت دے دی، آج کل کے مشکل وقت میں صرف 25 فیصد لوگوں کو اسمبلی میں آنے کی اجازت ہے، میں حیران ہوں کہ یہ کس طرح اپنی بہن کو اندر تک لے آئیں۔

© 2024 - Urdu Official | All Rights Reserved
تمام اشاعت کے جملہ حقوق بحق ادارہ محفوظ ہیں۔بغیر اجازت کسی قسم کی اشاعت ممنوع ہے