جووہر ٹاؤن میں ایل ڈی اے نے معزور بچوں کو گھر سے باہر نکالا

ایل ڈی اے نے پولیس کے ساتھ مل کر تین معذور بچوں کو گھر سے باہر نکال کر گھر گرا دیا ، جوہر ٹاؤن میں ایل ڈی اے نے معزور بچوں کو گھر سے باہر نکالا اور زیرِ تعمیر گھر منہدم کردیا ، واقعہ جوہر ٹاؤن میں پیش آیا جہاں ایل ڈی اے نے کارروائی کرتے ہوئے گھر کو گرا دیا ہے ۔ ذہنی طور پر معذور بچوں کا گھر گرانے اور ان کو گھر سے باہر نکال کر انکی چارپائی سڑک پر ڈال دی ۔سوشل میڈیا پر واقعے کی ویڈیو وائرل ہو رہی ہے ، وائرل ہونے والی ویڈیو میں واضح طور پر ایل ڈی اے اور پولیس کو معذور بچوں کو ان کے گھر سے باہر نکلاتے ہوئے دیکھا جا سکتا ہے ، ایل ڈی اے اہلکاروں اور پولیس کی جانب سے معذور بچوں کو جب گھر سے باہر پھینکا جا رہا تھا تو معذور بچے روتے ہوئے دہائی دیتے رہے

یہ ہے نیا پاکستان، جس میں معذور بچوں کو سڑک پر پھینک کر ان کے گھر گرائے جا رہے ہیں۔ جوہر ٹاؤن میں آج یہ افسوسناک واقعہ پیش آیا۔ بچے پیدائشی ذہنی معذور اور گھر کا کیس عدالت میں چل رہا تھا مگر قبضہ گروپوں نے ایل ڈی اے اور پولیس کو ساتھ ملا کر بلڈوزر چلا دیئے۔ pic.twitter.com/4tkNJa4s06

— Ali Moeen Nawazish (@am_nawazish) June 20, 2020

لیکن پتھر دل اہلکاروں کو ان پر برابر ترس نہ آیا ۔خبر رساں ادارے کے مطابق معذور بچوں کے گھر کا کیس ابھی عدالت میں چل رہا ہے ، جس کا فیصلہ آنا ابھی باقی ہے ، لیکن ایل ڈی اے اور پولیس نے معذور بچوں کے گھر پر قبضہ کرتے ہوئے بلڈوزر چلا دئیےاور گھر کو منہدم کردیا ۔ اس حوالے سے ایل ڈی اے نے نوٹس لے لیا ہے ۔ ایل ڈی کا کہنا تھا کہ پلاٹ کا قبضہ واگزار کروانے کے دوران معذور بچوں کو تکلیف دینے کی اطلاعات کا نوٹس لیتے ہوئے ایل ڈی اے کے وائس چیئرمین ایس ایم عمران نے ڈی جی ایل ڈی اے کو تحقیقات کے بعد ایکشن لینے کی ہدایت کی ہے ۔

پلاٹ کا قبضہ واگزار کروانے کے دوران معذور بچوں کو تکلیف دینے کی اطلاعات کا نوٹس لیتے ہوئے LDA کے وائس چیئرمین ایس ایم عمران نے DG LDA کو تحقیقات کے بعد ایکشن لینے کی ہدایت کی ہے
ابتدائی رپورٹ کےمطابق کیو بلاک جوہر ٹاؤن میں واگزار کروایا جانے والا پلاٹ نمبر 950 ادارے کی ملکیت ہے https://t.co/qrAF2gqCWt

— Lahore Development Authority (LDA) Pakistan (@LDALahoreNews) June 20, 2020

ایل ڈی اے کے مطابق ابتدائی رپورٹ کےمطابق کیو بلاک جوہر ٹاؤن میں واگزار کروایا جانے والا پلاٹ نمبر 950 ادارے کی ملکیت ہے ۔دوسری جانب لاہور ڈویلپمنٹ اتھارٹی کے ڈائریکٹر جنرل احمد عزیز تارڑ کی ہدایت پر اسٹیٹ مینجمنٹ ڈائریکٹوریٹ ٹو کے عملے نے دو مقامات پر آپریشن کرکے کروڑوں روپے مالیت کی سرکاری اراضی واگزار کروا لی ہے۔ تاج پورہ سکیم میں پلاٹ نمبر 58 اے ون پر غیر قانونی قبضہ ختم کر کے ا سے واگزار کروا لیا جبکہ مہران بلاک علامہ اقبال ٹاؤن میں پارک سے ملحقہ پانچ مرلے اراضی پر قائم تجاوزات ختم کر کے اسے بھی واگزارکروا لیا گیا۔