چیمپئنز ٹرافی کے فائنل سے قبل بھارتی کپتان ویرات کوہلی کی طبیعت ناساز ہو گئی ہے

چیمپئنز ٹرافی کے فائنل سے قبل بھارتی کپتان ویرات کوہلی کی طبیعت ناساز ہو گئی ہے۔ تفصیلات کے مطابق چیمپئنز ٹرافی کا فائنل پاکستان اور بھارت کے درمیان اتوار کے روز اوول میں کھیلا جائے گا۔ پاکستانی ٹیم پہلے ہی اوول پہنچ چکی ہے۔ جبکہ بھارتی ٹیم کی آج اوول آمد ہوئی۔تاہم بھارت ٹیم کے کپتان ویرات کوہلی ٹیم کے ہمراہ اوول نہیں پہنچے ہیں۔ ویرات کوہلی طبیعت کی ناسازی کی وجہ سے برمنگھم میں ہی رک گئے ہیں۔ اگر ویرایت کوہلی کی طبیعت نہیں سنبھلتی تو وہ اتوار کو کھیلے جانے فائنل سے باہر ہو سکتے ہیں۔ اس صورت میں یہ بھارتی ٹیم کیلئے بڑا دھچکا ہو گا۔ واضح رہے کہ اس سے قبل بھارتی ٹیم کے کپتان ویرات کوہلی بھی چیمپیئنز ٹرافی کے پاکستانی ٹیم کی عمدہ کارکردگی کے مداح بن گئے ہیں اور انہوں نے تسلیم کیا کہ پاکستان کی کارکردگی میں یکسر تبدیلی نے انہیں بھی بہت متاثر کیا ہے۔ میڈیا سے گفتگو کرتے ہوئے ویرات کوہلی نے کہاکہ پاکستان کے خلاف ایونٹ کے پہلے میچ میں فتح کا اس میچ سے کوئی تعلق ہےٗہم اس میچ کو ہرگز آسان نہیں لے سکتے ہیں کیونکہ ہم نے اس ایونٹ میں چند اہم اپ سیٹ ہوتے دیکھے ہیں اور ہم اس فائنل میچ میں بھرپور تیاری کے ساتھ میدان میں اتریں گے۔اس موقع پر انہوں نے ایونٹ کے پہلے میچ میں بدترین شکست کے بعد لگاتار تین کامیابیاں حاصل کر کے فائنل میں پہنچنے والی پاکستانی ٹیم کی کارکردگی پر تعجب کا اظہار کیا۔انہوںنے کہاہ میں پاکستان کی کارکردگی سے بہت متاثر ہوا ہوں، ان کو اس بات کا سہرا جاتا ہے کہ انہوں نے چیزوں کو یکسر بدل کر رکھ دیا ٗان ٹیموں کو شکست دی جو ان کے مقابلے میں بہت مضبوط نظر آ رہی تھیں۔بھارتی کپتان نے کہا کہ پاکستان جس طرح بحیثیت ٹیم گراؤنڈ میں کارکردگی دکھا رہا ہے اس سے ان میں ایک یقین نظر آ رہا ہے لیکن ہم اس بارے میں زیادہ نہیں سوچیں گے اور وہی کھیل پیش کرنے کی کوشش کریں گے جو ہم نے اب تک کھیلا ہے اور ان کی خامیوں اور خوبیوں کو مدنظر رکھتے ہوئے منصوبہ بنائیں گے۔ایک سوال کے جواب میں انہوں نے کہا کہ میں فائنل میچ کے حوالے سے کوئی بیان نہیں دینا چاہتا لیکن ہم اس میچ کو ہرگز آسان نہیں لیں گے اور میچ کیلئے بھرپور تیاری کے ساتھ اتریں گے۔