بزرگ مسافر کی بس میں طبیعت خراب ہوگئی،

پاکستانی ویسے بھی اپنے ھسن سلوک کی وجہ سے پوری دنیا میں جانے جاتے ہیں ،سفر کے دوران ایک بزرگ مسافر کی طبیعت خراب ہوئی تو ساتھ بیٹھے مسافروں نے نہ صرف ان کا خیال کیا

بلکہ ان کی ادویات اور گھر والوں سے رابطے کا بھی اہتمام کیا . اس واقعے کے بارے میں ایک ٹوئٹر صارف صحرا نورد نے تصویر شیئر کرتے ہوئے بتایا کہ ” ابھی دوران سفر ان بابا جی کی طبیعت شوگر لیول انتہائی لو ہونے کی وجہ سے بہت ذیادہ خراب ہوگئی، ان کےگھرکال کی تو ان کی اہلیہ نے کہا ان کومیٹھا کھلائیں یہ ٹھیک ہوجائیں گے.ان کوجوس دیالیکن مستقل طبیعت بگڑتی گئی.

ڈرائیور نے موٹروے سے گاڑی کو فیصل آباد اتارلیا اور ریسکیو 1122 کو کال کی .کوچ میں ایک بہن ڈاکٹر تھیں انہوں نے ان کو چیک کرنا شروع کیا،انہوں نے کچھ چیزیں میڈیکل اسٹورسےمنگوائیں،وہ ان کو دی گئیں، بزرگ اب الحمدللہ ہشاش بشاش ہیں.” صحرا نورد کے مطابق ” اس تیس پینتیس منٹ میں لوگوں کا ان کے لئے پریشان ہونا اور ایثار قابل دید تھا

.بزرگ اگر مجبوری میں اکیلے سفر کررہے ہوں تو ان کی ادویات یا تاکید لکھ کر لازمی ان کی جیب میں رکھ دیا کریں، سب سے مشکل کام اس سارے واقعہ میں گھر والوں سے رابطہ اور ان کی بیماری کی نوعیت معلوم کرنا تھی.”اس بارے میں اپنی رائے کا اظہار کمنٹس سیکشن میں ضرور کریں ۔