’پاکستانیوں کے پاس صرف 10 سال باقی رہ گئے، اس کے بعد۔۔۔‘ تاریخ کا سب سے خوفناک اعلان ہوگیا، ہر پاکستانی کے ہوش اُڑادینے والی خبر آگئی


بھارت پاکستانی دریاﺅں پر سینکڑوں چھوٹے بڑے ڈیم بنا کر پاکستان کو بے آب و گیاہ، چٹیل میدان بنانے کی منصوبہ بندی پر عمل پیرا ہے اور اب اس حوالے سے ماہرین نے ایسا خوفناک اعلان کر دیا ہے کہ سن کر پاکستانیوں کے ہوش اڑ جائیں گے۔ برطانوی اخبار دی انڈیپنڈنٹ کی رپورٹ کے مطابق ماہرین کا کہنا ہے کہ ”2025ءتک پاکستان کے پانی کے ذخائرانتہائی معمولی رہ جائیں گے اور اسے بدترین خشک سالی کا سامنا ہوگا۔ یہ ہولناک پیش گوئی پاکستان کونسل آف ریسرچ فار واٹر ریسورسز نے اپنی نئی رپورٹ میں کی ہے۔

3 سال سے لگی آگ جسے بجھانے کیلئے ایٹم بم کا دھماکہ کردیا گیا
کونسل کی رپورٹ کے مطابق پاکستان پانی کی انتہائی کمی کی لائن کو 1990ءمیں ہی چھو چکا ہے اور اب 2025ءمیں یہاں پانی نایاب ہو جائے گا ۔اخبار کا کہنا ہے کہ پاکستان پانی کے استعمال کے حوالے سے دنیا کا چوتھا بڑا ملک ہے لیکن پانی کے صرف ایک ذریعے دریائے سندھ اور بارش پر انحصار کرتا ہے۔کراچی پاکستان کا سب سے بڑا شہر ہے جہاں اس وقت صورتحال یہ ہے کہ شہریوں کی اکثریت کو پانی دستیاب نہیں اور وہ اس کے حصول کے لیے قطاروں میں کھڑے ہوتے ہیں۔واٹراینڈ پاور ڈویلپمنٹ اتھارٹی کے سابق چیئرمین شمس الملک کا کہنا ہے کہ ”پاکستان میں پانی کے حوالے سے کوئی پالیسی سرے سے موجود ہی نہیں ہے۔ جو لوگ پالیسی بنانے کے ذمہ دار ہیں وہ پانی پر پالیسی کی بات آئے تو اسے کوئی اہمیت ہی نہیں دیتے۔“